29 апрель куни Ўзбекистонга ташриф буюрган Туркия президенти Ражаб Тоййиб Эрдўғон Мир Араб мадрасасида фаолият юритаётган ислом ўрта махсус билим юрти билан танишгани ҳақида аввалроқ хабар берилганди. «Azon.uz» Мир Араб мадрасасига ташрифи давомида Туркия президенти Қуръони каримнинг «Инфитор» сурасини тиловат қилгани тасвирланган видеони эълон қилди.
Эслатиб ўтамиз, олий мартабали меҳмон Бухоро шаҳрининг тарихий қисмида зардўзлик, заргарлик, гиламдўзлик, каштачилик, кулолчилик маҳсулотлари кўргазмаси билан танишган эди.
Тарихий ва меъморий обидалар, ўзбек халқининг миллий ҳунармандчилиги туркиялик меҳмонларда катта қизиқиш уйғотган.
Изоҳ (0)