Ўзбекистонда Россия экспорт марказининг расмий ваколатхонаси яқин орада очилади, деб ёзади Sputnik ушбу ваколатхона раҳбари Дмитрий Прохоренкога таяниб. Муассаса ўтган йилдаёқ рўйхатдан ўтказилган эди.
«Биз белгиланган вақт доирасидан чиқиб кетдик, чунки Россияда сиёсий ўзгаришлар бормоқда. Ҳозир биз ваколатхонани очиш учун раҳбариятимиздан кимдир келишини кутяпмиз. Ҳозирча буни тахминан йилнинг биринчи ярмида, эҳтимол майда амалга оширишни режалаштиряпмиз», — деди Прохоренко.
Унинг сўзларига кўра, айни вақтда Россия экспорт маркази Ўзбекистон билан алоқаларни фаол ривожлантирмоқда. Россия тузилмаси Республика билан қўшма лойиҳалар сонини фақат оширишни режалаштирмоқда.
«Бу Ўзбекистонда ривожланиш учун салоҳиятни кўраётганимизнинг белгисидир, эҳтимол, маҳаллий вазирликлар ва идоралар билан ўзаро алоқаларимиз яхши оқимда бормоқда. Бу ерда лойиҳалар сони ўсишини тушунган ҳолда, ваколатхона очишга қарор қилдик», — дея қайд этди Прохоренко.
Изоҳ (0)