Инновация вазирлиги фуқароларни ўз соҳасидаги муаммолар базасини ташкил этишда қатнашишга чақирди

Инновация вазирлиги фуқароларни ўз соҳасидаги муаммолар базасини ташкил этишда қатнашишга чақирмоқда. Бу ҳақда вазирлик матбуот хизмати «Дарё»га хабар берди.

«Сиз ишлаётган корхонада, юритаётган тадбиркорлик фаолиятингиз доирасида ёки сиз хизмат қилаётган ташкилот, муассасаларда муаммолар, узоқ вақтдан бери ечимини кутаётган долзарб масалалар борми? Анчадан бери соҳага доир инновацияларни киритмоқчисиз-у, аммо уни амалга ошириш учун имкониятингиз, шароитингиз йўқми? Ёки ишлаб чиқариш, саноат, қишлоқ хўжалиги, тиббиёт, таълим ёки иқтисодимизнинг исталган бошқа соҳаларига фойдаси тегадиган изланишларни бошламоқчисиз-у, уларга қандай киришишни билмаяпсизми?

У ҳолда http://bit.ly/muammolar сайтига кириб, қисқагина сўровномани тўлдиринг. Сиз киритган маълумотлар асосида Инновацион ривожланиш вазирлиги махсус маълумотлар базасини тузиб, муаммоларни ўрганади, ва яқин келажакда мавжуд муаммоларнинг ечимини топиш масалаларини кўриб чиқади. Янгича ёндашувдан мақсад, ўз фаолиятида жиддий муаммоларга дуч келаётган турли соҳа вакилларининг вақтини тежаш, ортиқча сарф-харажат ва қоғозбозликка йўл қўймасликдир.

Демак, муаммоларингизни ҳал қилиш учун истаган интернет браузерининг манзил ёзиладиган сатрига http://bit.ly/muammolar деб ёзинг ва рўйхатдан ўтиш тизимига ўхшаш содда сўровномани тўлдиринг», — дейилади вазирлик хабарида.