Олимлар 14 та галактика қўшилмасини аниқлади, у Коинотдаги энг катта объектга айланиши мумкин

Астрономлар халқаро гуруҳи бир-бири билан тўқнашиб кетган 14 та галактика қўшилмасини аниқлади, деб ёзади TJournal.

Галактикалар қўшилиб кетган жой Ердан 12 миллиард ёруғлик йили масофасида жойлашган. Қўшилишдан чиққан ёруғлик Катта портлашдан 1,4 миллиард йил кейин Ерга саёҳатини бошлаган, ўшанда Коинотнинг ёши ҳозирги ёшининг ўндан бирига тенг бўлган. Олимлар томонидан SPТ2349-56 деб номланган протокластер Катта портлашдан кейин миллиард йил ўтиб ҳосил бўлган.

Галактикаларни компьютерда моделлаштириш натижалари вақт ўтиши билан учбу кластер йиғилиб-йиғилиб, энг йирик ҳажмли тузилмалардан бирига — эҳтимол, замонавий Коинотда маълум бўлган энг катта объектга айланишини башорат қилмоқда.