GM Uzbekistan автомобиль савдоси жараёнларида ноқонуний механизмлар ишлатилиши, жумладан, автомобиль етказиб бериш муддатларини тезлаштириш учун ўртакашлик билан шуғулланилаётгани тўғрисидаги хабарлар ижтимоий тармоқларда кенг тарқалаётганлигини юзасидан расман баёнот берди.
Унда, жумладан, шундай дейилади:
«GM Uzbekistan АЖ ўзининг барча дилерлик корхоналарида шартнома расмийлаштириш ва ўша заҳоти автомобиль эгасига айланиш имконияти мавжудлигини расман таъкидлайди. Бундай автомобилларнинг моделлари ва дилерлик корхоналари кесимидаги тўлиқ рўйхати билан бизнинг расмий веб-сайтимизда танишишингиз мумкин. Ушбу рўйхат кундалик равишда янгиланиб борилади.
Сизга автомобиль етказиб бериш учун шартнома расмийлаштиришда ёки унинг муддатларини тезлаштиришга ёрдам бериш ёки шу каби бошқа ‘хизмат’ларни таклиф қилаётган шахслар ваъдаларига ишонмасликка чақириб қоламиз. Автомобиль етказиб бериш тўғрисидаги шартномалар фақат рўйхатга олинган расмий мурожатлар (аризалар) асосида автоматик тарзда яратиладиган ягона электрон навбат бўйича амалга оширилади».
GM Uzbekistan автомобиль савдосига доир коррупцион ҳолатлар аниқланганда ўзининг 147-14-14 рақамли ягона ишонч телефонига ёки бевосита ҳуқуқни муҳофаза қилиш органларига мурожат қилишни сўраган.
Изоҳ (0)