Сергели ташқарисидаги Чирчиқ дарёси соҳилларида улкан ахлаттепа ҳосил бўлган, унинг бир қисми тупроқ билан бирга дарёга тўкилиб тушган. Бир неча йиллардан буён манзарага гувоҳ бўлганлар индамай ўтиб кетарди ва фақат норозилик билдирарди, холос. Аммо бир киши дарёни қутқариш учун кураш бошлади, деб ёзади «Potrebiteli.uz». У ахлаттепа суратларини олиб, бир неча марта Интернетда бу ҳолат ҳақида овоза қилди, порталга шикоят юборди.
Афсуски, портал шикоятни маҳаллий ҳукуматга йўналтирди, улар эса у ерда қурилиш чиқиндилари вақтинчалик тургани, ҳеч қанақа ахлаттепа йўқлиги ҳақидаги қуруқ расмиятчилик билан кифояланди.
Аммо табиат тозалиги учун қайғурган фуқаро бўш келмади ва суратларни Интернетга жойлашдан, порталга яна ва яна шикоятлар жўнатишдан чарчамади. Охир-оқибат, ахлаттепа йўқ қилинди, Чирчиқ дарёси бўйи тозаланди. Энди у ер тоза ва чиройли жойга айланди, дейилади хабарда.
Изоҳ (0)