Тошкентнинг баъзи туманларида яшовчи фуқаролар сўнгги кунларда шаҳар қандайдир сезиларсиз тарзда ўзгариб қолганини пайқамоқда, деб ёзади «Газета.uz». Марказий кўчалар ўртасидаги металл тўсиқлар демонтаж қилингач, пойтахтда кўп йиллар давомида маъмурий биноларни ўраб турган баланд панжаралар ҳам олиб ташлана бошлади.
Тошкент ҳокимлиги тўсиқлардан воз кечишга қарор қилинганини тасдиқлади. «Ҳозирча бу маъмурий биноларга тегишли. 11 та туманнинг ҳар бирида ҳокимлик Ободонлаштириш бошқармасининг махсус отрядлари тузилган. Уларга иккитадан қурилиш крани ва зарур транспорт воситалари ажратилган», — деди пойтахт маъмурияти вакили.
Тўсиқларни демонтаж қилиш ҳақидаги қарорни қабул қилишда ривожланган мамлакатлар тажрибаси ўрганилди ва фуқаролар учун қулайлик яратиш мақсади кўзда тутилди, дейишди ҳокимликда.
Бир ой давомида Тошкентнинг барча 78 та магистраль кўчалари бўйлаб барча тўсиқлар олиб ташланиши кутилмоқда.
Ички ишлар вазирлиги, ички ишлар туман бўлинмалари, Бош прокуратура каби алоҳида объектларни ўраб турувчи панжаралар қолдирилади.
Изоҳ (0)