Аввал маълум қилганимиздек, Вазирлар Маҳкамасида бош вазир Абдулла Арипов раислигида жамоат ишларига мажбурий жалб қилишни тақиқлаш, бу борада раҳбарлар масъулиятини оширишга бағишланган йиғилиш бўлиб ўтди. Бу ҳақда ЎзА хабар берди.
Йиғилишда қайд этилишича, Тошкент шаҳрининг Сергели туманидаги мактабгача таълим муассасалари ходимлари ўз ҳисобидан пул йиғиб, ободонлаштириш ишларига мажбуран жалб этилган.
Бу каби ҳолатлар Андижон, Қашқадарё, Сурхондарё, Бухоро, Фарғона вилоятларида ҳам кузатилган.
Бош вазир ўз ёнидан пул ишлатган ижтимоий соҳа ходимлари бу маблағни қайтариш учун таъмагирликка боришга мажбур бўлаётганини таъкидлади.
Изоҳ (0)