Қирғизистон президенти Сооронбай Жеенбеков Давлат чегара хизмати раиси Уларбек Шаршеевни қабул қилди. Бу ҳақда K-News хабар бермоқда.
Жеенбеков яқинда юз берган ҳодисалар муносабати билан ўзбек-қирғиз ва тожик-қирғиз чегараларидаги вазият билан таништирилди.
Қирғизистон президенти хизмат олдига турли можароларнинг олдини олиш учун чегарадаги туманлар аҳоли ўртасида давлат чегараси тартибига риоя этиш юзасидан тушунтириш олиб бориш, қўшни давлатлар чегара хизматлари билан ўзаро ҳамкорликни янада фаол йўлга қўйишга кўрсатма берди.
Шунингдек, Жеенбеков ўзбек-қирғиз чегарасида йўловчи ва юк оқими кўп карра ортганини инобатга олиб, ўтказиш пунктларида одамлар ва транспорт туриб қолишига йўл қўймаслик чораларини кўришни топширди.
Изоҳ (0)