Ўзбекистонда iOS фойдаланувчилари TamTam мессенжерини юклаб олишни бошлади

Mail.Ru компаниясига тегишли TamTam мессенжери Ўзбекистонда App Store’дан энг кўп юклаб олинаётган дастурлар бешлигига кирди, деб ёзади Spot.

17 апрель ҳолатига кўра, дастур юклаб олишлар сони бўйича «Яндекс.Такси», Telegram, iМО ва WhatsApp’ни ортда қолдириб, биринчи ўринга чиқиб олган бўлса, 18 апрель ҳолатига «Яндекс.Такси»дан кейинги иккинчи ўринни эгалламоқда.

Ўтган ҳафтагина 8—15-ўринларда бўлган WhatsApp ҳам юқорилаб, юқори бешликка кириб олди.

Бундан ташқари, Ўзбекистон аҳолиси Google’да TamTam мессенжерини фаол тарзда қидиришни бошлаган мамлакатлар бешлигига кирди.

Фойдаланувчиларнинг TamTam’га қизиқиши Telegram ишида кузатилаётган муаммолар фонида ўсиб бормоқда.