Ўзбекистонда «Имoм Бухорий» давлат мукофоти таъсис этилади. Бу «Диний-маърифий соҳа фаолиятини тубдан такомиллаштириш чора-тадбирлари тўғрисида»ги Президент фармонида кўзда тутилган.
Мукофот билан ислом илм-фани ва маданиятига беқиёс ҳисса қўшган буюк аждодлар ибратли ҳаёти ва бой илмий меросини чуқур ўрганиш, мамлакат довруғини жаҳон миқёсида кенг ёйиш ишига муносиб ҳисса қўшиб келаётган шахслар рағбатлантирилади.
Ҳукуматга бир ой муддатда мазкур давлат мукофотини таъсис этиш чора-тадбирлари тўғрисидаги тегишли норматив-ҳуқуқий ҳужжат лойиҳасини киритиш топширилди.
Дин ишлари бўйича қўмитага Адлия вазирлиги билан биргаликда диний-маърифий соҳада намунали фаолият юритаётган, ижтимоий-маънавий ишларда алоҳида ўрнак кўрсатаётган соҳа вакилларини рағбатлантириш, жумладан, давлат мукофотларига тақдим этиш бўйича таклифларни Президент девонига киритиб бориш вазифаси юклатилди.
Изоҳ (0)