«Олмаота—Бишкек» трассасида Mercedes уриб юборган Ўзбекистон фуқароси ҳалок бўлди
Mercedes ҳайдовчиси «Олмаота—Бишкек» трассасида Ўзбекистон фуқаросини уриб юборди ва ҳодиса жойидан яширинди, деб хабар беради Kazakhstan Today.
32 ёшли Ўзбекистон фуқаросининг ўлимига сабаб бўлган йўл-транспорт ҳодисаси 14 апрель куни юз берган.
«Ҳодиса юз берган жойда биз бўёқ доғлари, яширинган автомобиль чироғи ва бампери қолдиқларидан ушбу автомобиль Mercedes-Benz Viano эканлигини аниқладик. Олиб борилган тезкор-қидирув тадбирлари давомида автомобиль ҳайдовчисининг Жамбил туманида яшаши маълум бўлди. Унинг яшаш жойига бориб текширилганида ҳайдовчига тегишли автомобилнинг урилганига амин бўлдик ва фуқаро шу заҳотиёқ ҳибсга олинди», — дейилади Олмаота ички ишлар департаменти хабарида.
Ҳозирда ҳодиса юзасидан судга қадар тергов жараёни олиб борилмоқда. Автомобиль махсус автотураргоҳга олиб кетилган.
