2018 йил бошидан буён Россиянинг Самара вилоятида суд ижрочилари 178 нафар чет эллик муҳожирларни мамлакатдан чиқариб юборди, деб ёзади «Мангазея» ахборот агентлиги. Уларнинг 122 нафари ўз маблағлари ҳисобидан жўнаб кетган. Таъкидланишича, муҳожирларнинг кўпчилигини Ўзбекистон, Қирғизистон, Қозоғистон, Хитой ва Вьетнам фуқаролари ташкил қилади.
Улар кўпинча Россияга назорат-ўтказиш пунктлари орқали киради, бу эса виза олишни талаб этмайди. Аммо рухсат берилган 90 кунлик муддат ўтганидан кейин фуқаролар ўз ихтиёри билан мамлакатни тарк этишга шошилмайди, ва бу билан Россия миграция қоидаларини бузади.
Ушбу хатти-ҳаракат мажбурий равишда Россия ҳудудидан ташқарига чиқариб юбориш ва 2 дан 5 минг рублгача жаримага тортиш билан жазоланади. Бу шахслар Россияга камида 5 йилдан кейингина қайтиб кела олади.
Изоҳ (0)