«Дарё» таҳририятига Бухоро вилояти Жондор туманида туғилган, айни вақтда Гематология ва қон қуйиш илмий текшириш институти клиникаси 1-болалар кундузги бўлимида оққондан даволанаётган 4 ёшли Жўрабек Асқаровнинг онаси мурожаат қилди. Унинг сўзларига кўра, оила Жўрабекни даволатиш учун қариндош-уруғлардан қарз сўрашга мажбур бўлган, ҳозирда умумий қарз миқдори 8 минг долларни ташкил этган.
Оила бошлиғи фарзандининг дориларини сотиб олиш ва қарзларни узиш мақсадида Россияга ишлаш учун кетган эди. Бироқ, бир муддатдан сўнг Россиядан мудхиш хабар келди: Жўрабекнинг отаси бахтсиз ҳодиса сабаб бошидан жароҳат олган ва оғир жарроҳлик амалиётини бошдан кечирган. Эндиликда, нафақат Жўрабек, балки уни даволатиш учун ишлашга кетган оила бошлиғи ҳам моддий ва маънавий кўмакка муҳтож бўлиб қолди.
Жўрабекнинг онаси Шаҳноза Саидованинг сўзларига кўра, у ҳозирда фарзандининг саломатлигини тиклаш учун Тошкент шаҳрида ижарага уй олиб яшашга мажбур. Бухорода ўқитувчи бўлиб ишлаган Шаҳноза Саидова ўғлига қарагани учун ҳозирда ишлай олмаяпти. Ўғлининг дори-дармонлари, муолажаларидан орттириб, ҳар ой 150 АҚШ доллари миқдорида ижара тўлайди.
«Ўғлим 2017 йил 6 сентябрдан бошлаб гематология ва қон қуйиш илмий текшириш институти клиникасида даволаниб келяпти. Келганимизда аҳволи оғир эди. Қонидаги гемоглабин миқдори 40 га тушиб кетган, баданида кўкаришлар пайдо бўлган, иситмаси эса 39—40 дан тушмас эди. Болалар бўлимида 45 кун давомида 7 та қон, 2 та плазма, 8 та тромбацит ва 5 марта кимё терапияларини олди.
2017 йил 21-октябрдан даволанишни кундузги бўлимда бошладик. Биринчи курсимизда 45 миллион атрофида маблағ сарфлаганмиз. Кейинги курсларида ҳам тез-тез шамоллаб қоларди. Шу сабаб кўп харажат бўлиб қоларди. 2 марта қон қуйишди. Фарзандимга 96 фоизлик оқ қон ташхиси қўйилган. Москвага таҳлил жўнатганимизда, у ердан ҳам оқ қон жавоби келган. Аҳволида ижобий ўзгаришлар бор.3 та курсни тугатди. Тўртинчи курс кучли кимё терапия муолажаларини оляпти.2 ойдан сўнг қўллаб-қувватлови бошланади. Чет элга олиб чиқиш шартмас, чунки шу ерда ҳам тузалиб кетганлар кўп. Қўллаб-қувватлови 2 йил давом этади, 9 та курсдан иборат. Ҳар бир курсига 2—3 минг доллардан ортиқ маблағ талаб этилади. Ҳар курс 2 ойни, яъни 8 ҳафтадан иборат. Бундан ташқари, унинг бошқа даволаниш курслари учун яна катта маблағ талаб этилади», — дейди Шаҳноза Саидова.Жўрабекнинг кўзларига боқар экансиз, оғир дард ҳам боланинг нигоҳларидаги келажакка ишонч ва умид учқунларига ўз таъсирини ўтказа олмаганини кўрасиз. Болакай мурғак қалби билан ҳали ҳаммаси яхши бўлиб кетишига ишонмоқда, яхшилардан нажот кутмоқда!
Жўрабекнинг соғайиб кетишига ҳисса қўшайлик!
Хайрия қилмоқчи бўлганлар учун керакли маълумотлар:
Хайрия қилмоқчи бўлган ташкилот компаниялар, юридик шахслар учун:
Агро банк Бухоро филиали амалиёт бўлими рекзвизитлари: МФО: 00097. Ҳисоб рақами: 2312 0000 5000000 97001
Пластик карта орқали:(Click, Payme) Шаҳноза Саидова.
Агробанк: 8600-0423-3059-4275
Онаси Шаҳноза Саидованинг телефон рақами:+99891 419 82 87
Изоҳ (0)