Telegram мессенжери асосчиси Павел Дуров «Ведомости» газетасига берган интервьюсида Британия фуқаролигини олганлиги ҳақидаги ахборотни рад этди, деб ёзади «Вести.ru».
Дуровнинг аниқлик киритишича, унинг компанияси ходимлари бир неча ҳафтадан буён ушбу ёлғон хабарни тарқатган манбани қидирмоқда.
Аввалроқ оммабоп Telegram мессенжерининг асосчиси ва эгаси Павел Дуров Буюк Британия фуқароси ҳисобланиши, бу Буюк Британия фирмалари реестрида келтириб ўтилгани, Дуров томонидан асос солинган Telegram Network Open компанияси ҳам мазкур реестрга киритилгани хабар қилинган эди.
Буюк Британия ИИВ «РИА Новости» томонидан Дуровнинг фуқаролиги юзасидан берилган сўровга изоҳ беришдан бош тортган. Бироқ мамлакатда фирма очиш учун маҳаллий фуқароликка эга бўлиш шарт эмаслиги айтилган.
Изоҳ (0)