Бошига токқайчи санчилиб қолган хитойлик аёл мустақил равишда шифохонага борди ва операциядан муваффақиятли ўтди. Бу ҳақда Daily Mail хабар бермоқда.
Бахтсиз ҳодиса 57 ёшли Шен Сяоин ҳовлисидаги боғда дарахт шохларини қирқаётганда рўй берди. Аёл дарахт баланд бўлгани учун токқайчини бамбук таёғига боғлаб қўйган.
Шу пайтда бамбук таёғи синиб кетган ва токқайчи аёлнинг бошига санчилиб қолган.
Аёл ўзини қўлга олган ва автобусга ўтириб шифохонага борган. Шифокорлар уни рентгенга жўнатган. Аниқланишича, токқайчи аёлнинг бошига 4 сантиметр кирган ва унинг миясини эзиб қўйган.
Аёлни токқайчидан тўлиқ халос этиш учун шифокорлар уни икки марта операция қилган.
Изоҳ (0)