3 апрель куни петербурглик фуқаро «Газель ўта олмайди» огоҳлантириш ёзувига бўлишига қарамай, кўприк остидан ўтишга уринган «Газель» машинасини пайқаб қолди. Машинанинг кузови ажралиб тушсада, у кўприк остидан ўтишга муваффақ бўлган, деб хабар беради TJournal.
Петербурглик журналистлар ушбу воқеани кўприк остидан ўтишга муваффақ бўлган тарихдаги биринчи «Газель» дея атади.
2017 йилнинг октябридан буён Twitter’да «Менинг аҳмоқлигим» аккаунти фаолият юритади, унда мазкур кўприк остидан ўтишга уриниб, ҳалокатга учраган 144 та «Газель» машинаси ҳақида маълумотлар келтирилган.
«НТВ» каналининг тажрибаларига кўра, 1,8 метр баландликка эга автомобиллар секин ҳаракатланса кўприк остидан ўта олади. «КП» нашрининг ёзишича, йўл белгисида баландлик 2,7 метр кўрсатилганига қарамай, аслида 2,2 метрдан ошмайди.