Навоий шаҳридаги таъмирлаш ишлари олиб борилаётганлиги сабабли иш фаолияти вақтинча тўхтатилган «Қизилқумцемент» АЖ корхонасида 2 апрель куни соат 09:55 да ёнғин содир бўлди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Кўрилган чоралар натижасида ёнғин ўчирилди. Ҳодиса оқибатида корхонадаги совутиш иншоотининг ички қисми ёниб, зарар кўрди.
Корхона ишчилари — 1967 йилда туғилган Ш.Примов ва 1960 йилда туғилган С.Икромов куйиш жароҳатлари билан касалхонага ётқизилди.
Суриштирув ишлари олиб борилмоқда.