Ўзбекистон Президенти, Қуролли Кучлар Олий Бош Қўмондони Шавкат Мирзиёев Жиззах вилоятига ташрифининг иккинчи куни «Фориш» тоғ-дала ўқув базасида бўлгани ҳақида аввалроқ фоторепортаж тақдим этилган эди.
Ташриф вақти Президентга дастлаб Ўзбекистон Қуролли Кучларида жанговар таркибнинг янги қиёфасига бағишланган видеолавҳа намойиш этилди. Шундан сўнг Шавкат Мирзиёев мазкур тоғ-дала ўқув базасида ҳарбийларга яратилган шароитлар билан танишди. Президент ҳарбийлар учун ажратилган ётоқхона, машғулотлар майдонларида ҳам бўлган.
Бу ерда ҳарбийларга барча шароитлар яратиш зарур. Ҳар бир ётоқхона олдида ҳаммом ташкил қилиш керак. Барчамиз шуни яхши билишимиз лозим — бугунги ҳарбий хизмат юқори тайёргарлик ва замонавий кўникмаларни талаб қилади.ЎзАнинг хабар беришича, дала машқларига чиққан ҳарбий хизматчиларни ҳарбий-ватанпарварлик ва маънавий-ахлоқий жиҳатдан тарбиялаш мақсадида база кутубхонаси турли мавзудаги адабиётлар ва кундалик нашрлар билан таъминланган.Шавкат Мирзиёев, Ўзбекистон Президенти
Шунингдек, Ёшлар иттифоқининг бошланғич ташкилоти фаоллари иштирокида маданий-маърифий тадбирлар, интеллектуал беллашув ва ўйинлар, шахмат-шашка, стол тенниси, футбол, волейбол каби спорт турлари бўйича мусобақалар ўтказилади.
Президент Шавкат Мирзиёев бу ерни намунавий полигонга айлантириш, янги концепция ишлаб чиқиб, Ўзбекистондаги барча ҳарбий полигонларни модернизация қилиш бўйича топшириқлар берди, дея хабар бермоқда Президент матбуот хизмати.
Бу каби ҳарбий ўқув базалар концепциясини ишлаб чиқиш керак. Ҳозир бу ердаги барча нарсалар маънавий эскирган. Полигонлар ҳарбий хизматчиларнинг амалий кўникмаларини ошириш билан бирга ғояга хизмат қилиши зарур. Ҳарбийлар бу ерга келганда ҳақиқий ватанпарварлик руҳини ҳис қилиши керак. Бу ер ифтихор, ғурур, куч, билим маскани бўлиши керак.Президент бу ерда ўқув-машғулотларни ҳам кўздан кечирди. Жумладан, 25 хил ўқув-машғулот машқлари намойиш этилган.Шавкат Мирзиёев, Ўзбекистон Президенти
«Машғулотларнинг бирида шартли қуролланган бузғунчи тўдалар разведка гуруҳлари орқали аниқланди. Ўша маълумотлар асосида қайси тактикани қўллаш, қандай қуролдан фойдаланиш бўйича аниқ режа ишлаб чиқилди ва душман яксон қилинди», — дейилади ЎзА ахборотида.
Ташриф чоғида Президент Ўзбекистонда ишлаб чиқарилаётган ҳарбий анжомлар ва аскарларнинг сафар таомларини ҳам кўздан кечирган. Бу каби дала-ўқув машғулотлари ҳарбийларнинг жанговар тайёргарлигини оширишда, уларнинг замонавий ҳарбий техникалардан фойдаланиш кўникмасини шакллантиришда муҳим ўрин тутиши таъкидланган.
Изоҳ (0)