30 ёшли Абдуҳамид Сафаров Сурхондарё вилояти Сариосиё туманида яшайди. Унга тўққиз ой аввал ўткир лимфобластик лейкоз ташхиси қўйилган.
Абдуҳамид гематология ва қон қуйиш илмий текшириш институти катталар бўлимида бир неча ой даволанган, бироқ аҳволи яхшиланмаган. Ҳозирда бемор кимёвий терапия муолажаларини давом эттириши учун моддий ёрдамга муҳтож.
«Абдуҳамид ўтган йили Тошкентдаги гематология ва қон қуйиш илмий текшириш институти клиникасида кимётерапия курсларини ола бошлади. Ҳаммаси бўлиб 8 та кимётерапия курсларини олиши керак. Ҳозир 7-курсни бошлади. Бир курс даволанишига ўртача 15 миллион сўмдан ортиқ маблағ талаб этиляпти. Бошида 30 миллионгача маблағ сарфланган.
Оилавий шароитимиз жуда ҳам оғир. Отаси яқинда нафақага чиқиши керак. Ҳозирда ишини ташлаб, ўғлимга қараяпти. Ўзим нафақадаман, юз минг сўм нафақа оламан. Навбатдаги курс муолажаларини давом эттиришга имкониятимиз йўқ. Дорилари жуда қиммат. Дорихоналардан дорилар ҳам қарзга олиняпти», — дейди Абдуҳамиднинг онаси.
Она сўзларини давом эттирар экан, ҳозирда фарзандининг аҳволи ёмонлашгани учун, гематологиянинг реанимация бўлимига жойлаштирилганини айтиб ўтди.
Абдуҳамиднинг оиласи унинг навбатдаги кимётерапия курсларига ва дори-дармонларига қариндошлардан пул сўраб, катта қарзга ботган.
Абдуҳамидга имкон қадар ёрдам берайлик! Зеро, яхшилик ерда қолмас, дейишади.
Хайрия қилмоқчи бўлганлар учун:
Пластик карта орқали: (Click, Payme)
Халқбанк: 8600-0609-9407-8187 (Карточка Абдуҳамиднинг отаси Абдуқосим Сафаров номига очилган)
Россиядагилар учун QiWi кошелек виса пластик карточкасини ҳисоб рақами: 4890-4944-8558-6838 Ҳисоб рақам эгаси Абдуллоҳ Мардоновнинг телефон рақами: +79960348302,
Telegram: +79006824137 (кундуз кунлари иш билан бўлиб, телефонга ўз вақтида жавоб беролмаслиги мумкин).
Отаси Абдуқосим Сафаровнинг телефон рақами: +99894 206 6860
Изоҳ (0)