Туризмни ривожлантириш давлат қўмитаси аҳолига хизмат кўрсатувчи барча ташкилотлар ва компанияларга ClickSmile тескари алоқа терминалларини ўрнатишни тавсия қилмоқда, деб ёзади Spot.
Хусусан, гап давлат муассасалари ва ягона дарча хизматлари, аэропортлар, вокзал ва автовокзаллар, божхона ва чегара постлари, меҳмонхона ва ресторанлар, сервис марказлар, оммабоп сайёҳлик обидалари ва бошқа жойлар ҳақида бормоқда.
«Битта тугмани босиш билан бир йўла иккита вазифа — мижознинг фикрини билиш истаги ҳамда жорий муаммоларни таҳлил қилиб, уларни бартараф этиш учун статистика тўплаш — ҳал этилади. Улар мижозга тезкор ва осон тарзда аноним фикр қолдириш имконини беради», — дейилади хабарда.
Терминаллар одамларга кўрсатилган хизматни тўртта ҳис-туйғу ёрдамида баҳолашга имкон беради, булар:
- «жуда мамнунман» (кенг табассумли яшил тугма);
- «мамнунман» (ўртача табассумли оч яшил тугма);
- «сал норозиман» (хафа смайликли пушти тугма);
- «умуман норозиман» (баджаҳл смайликли қизил тугма).
Туризмни ривожлантириш давлат қўмитаси бундай терминалларни Ўзбекистонда ишлаб чиқариш масаласини кўриб чиқмоқда, маҳаллий компаниялар билан музокаралар аллақачон бошлаб юборилган.
Изоҳ (0)