Путин савдо марказидаги ёнғин оқибатида 64 киши ҳалок бўлган Кемеровога келди

Россия президенти Владимир Путин 27 март, сешанба куни тонгда савдо марказидаги ёнғин оқибатида 64 киши ҳалок бўлган Кемеровога келди. Бу ҳақда «РИА Новости» хабар бермоқда.

Путин аэропортдан тўғри савдо марказига йўл олди ва кемероволиклар бино олдида ташкиллаган мемориалга гул қўйди.

Шунингдек, Россия президенти Сибирь федерал округидаги ваколатли вакили Сергей Меняйло билан ёнғин рўй берган бино фасадини кўздан кечирди.

Эслатиб ўтамиз, Кемеровода «Зимняя вишня» савдо марказидаги ёнғин муносабати билан уч кунлик мотам эълон қилинди.