Осиё–Океания кураш конфедерацияси (KCAO) томонидан Ўзбекистоннинг Ҳиндистондаги элчихонаси кўмагида Пуна шаҳрида ўтказилган кураш бўйича Х Осиё чемпионатида ўзбекистонлик полвонлар 10 олтин, 5 кумуш, 1 бронза медалини қўлга киритди. Бу ҳақда Осиё-Океания кураш конфедерацияси матбуот хизмати маълум қилди.
KCAO тақвимидаги энг йирик мусобақада қитъанинг 20 дан зиёд мамлакатидан келган икки юздан ортиқ полвон 15 вазн тоифасида гиламга тушди.Беллашувлар якунида қитъанинг 8 та давлати вакиллари шоҳсупага кўтарилди.
Жорий йил август–сентябрь ойлари Индонезияда бўлиб ўтадиган Ёзги Осиё ўйинларида илк бор ўзбек кураши бўйича беллашувлар бўлиб ўтади. Мазкур чемпионат қитъамиз полвонлари учун ўзига хос тайёргарлик вазифасини ўтади. Шу боис ҳар бир беллашув ўта муросасиз тарзда ўтди.Чемпионатнинг иккинчи ва учинчи ўринларини Эрон ва Туркманистон спортчилари эгаллади.Бу эса ўзбек курашининг халқаро майдондаги обрўси янада ошиб бораётганлигидан далолат бермоқда. Осиё ўйинларидаги беллашувлар бундан-да қизғин бўлиши кутилмоқда.
Жагдиш Taтлер, Кураш халқаро ассоциацияси биринчи вице-президенти, Ҳиндистон кураш федерацияси президенти
Изоҳ (0)