Ўзбекистон футбол ассоциацияси биринчи вице-президенти Умид Аҳмаджонов Дубай шаҳрида БАА футбол ассоциацияси Бош котиби Муҳаммад Ҳаззам Ал-Даҳерий билан учрашди. Бу ҳақда ЎФА матбуот хизмати хабар берди.
Учрашувда 2019 йил БААда бўлиб ўтадиган Осиё Кубоги мусобақасининг ташкилий масалалари муҳокама қилинган.
Мазкур мусобақага Ўзбекистондан волонтёрлар – кўнгиллиларни юбориб, шу тоифадаги йирик мусобақаларни ташкил этиш ва ўтказиш тажрибасини ўрганиш масаласи кўрилди, дейилади хабарда.
Шунингдек, Ўзбекистон ва БАА футбол ассоциациялари ўртасида имзоланган меморандум асосида ҳар икки мамлакат терма жамоалари ўртасида ўзаро ўртоқлик ўйинлари ташкил этиш, алмашув асосида ҳакамларни Кубок финаллари ва ўртоқлик ўйинларига жалб қилиш бўйича томонлар фикр алмашган.
Изоҳ (0)