Хитойнинг Alibaba компанияси Американинг Ford автомобиль концерни билан ҳамкорликда вендинг принципи асосида автомобилларни сотишга мўлжалланган илк савдо автоматини ишга туширди, деб хабар берди «ТАСС».
«Автомобильни сотиб олиш жараёни худди Cоlа сотиб олишдек оддий бўлади», — дейди Tmall интернет майдони раҳбари Юй Вэй.
Унинг сўзларига кўра, 20 метрли вендинг автомати кўп тармоқли майдон кўринишида бўлиб, Ford томонидан ишлаб чиқарилган 40 дан ортиқ автомобиль моделлари тақдим этилади. Жумладан, улар орасида Explorer SUV, Mustang, Edge и Everest моделлари ҳам бор. Харидни амалга ошириш учун махсус мобил дастур ёрдамида тўловни амалга ошириш (кредитга олишда 10 фоизли тўловни олдиндан тўлаш) ва аппаратда автомобилни олиб кетиш керак, холос. Лойиҳага кўра, агарда автомобиль кредитга олинса, тўловларнинг бир қисми Alipay тизими ёрдамида ҳар ой тўлаб борилади.
Шунингдек, маълумот қилинишича, потенциал харидорлар автомобилларни уч кунга синов учун ҳам олишлари мумкин. Агарда транспорт воситаси харидорга маъқул келса, уни сотиб олади, акс ҳолда яна автоматга қайтарилади.
Изоҳ (0)