Янгийўл туманида Matiz ҳайдовчиси уриб юборган аёл вафот этди. Бу ҳақда «Дарё»га Тошкент вилоят ИИБ ҳузуридаги Тергов бошқармаси хабар берди.
Маълумотларга кўра, 2018 йилнинг 22 март куни соат 21:00 ларда Янгийўл туманида яшовчи, 1971 йилда туғилган фуқаро ўз бошқарувидаги Matiz русумли автомашинани бошқариб кетаётиб, «Тошкент—Душанбе» автомобиль йўлининг 28-километрида пиёдани уриб юборган.
Аниқланишича, Matiz ҳайдовчиси Янгийўл шаҳридаги 9-сонли мактабнинг ўқитувчиси, 1967 йилда туғилган фуқарони уриб юборган. Оқибатда жабрланувчи олган тан жароҳатларидан ҳодиса жойида вафот этган.
Ҳолат юзасидан Янгийўл туман ИИБ ҳузуридаги Тергов бўлими томонидан Жиноят Кодексининг 266-моддаси 2-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)