Россия президенти матбуот котиби Дмитрий Песков давлат раҳбарининг қариндоши «Газпром» бошқаруви таркибига кириши мумкинлиги ҳақидаги ахборотга изоҳ берди, деб ёзади «Вести.ru».
«Билишимча, у ҳақиқатан ҳам президентнинг узоқ қариндоши. Уларнинг қандайдир алоқасидан хабарим бор. Яъни аслида улар мулоқот қилмайди, аммо қандайдир қариндошлик алоқаси ҳақиқатан ҳам бор», — деди Кремль вакили.
Аввалроқ қатор ОАВларда энергетика корпорацияси директорлар кенгаши компания бошқаруви таркибига Михаил Путинни киритиш масаласини кўриб чиқиши ҳақида хабарлар пайдо бўлганди. У моддий-техник таъминот соҳаси билан шуғулланиши тахмин этилмоқда.
Изоҳ (0)