2014 йилда Донбассга қулаб тушган Малайзиянинг MH17 рейсли Boeing самолёти ҳалокатида гумонланувчилар устидан суд жараёни Гаага округ судида бўлиб ўтади. Бундай қарор Нидерландия адлия вазирлиги ва ташқи ишлар вазирлиги томонидан қабул қилинди, деб ёзади «Корреспондент.net».
Жараёнда ушбу авиаҳалокат қурбонларининг қариндошлари миллатидан қатъи назар иштирок этиши мумкин. Шу тариқа, жабрланганларнинг барчаси тенг ҳуқуқлар билан таъминланади.
Бундан ташқари, суд чоғида барча гумонланувчиларнинг ҳалокатга алоқадорлиги кўриб чиқилади.
MH17 ҳалокатини текшириш ҳамон давом этмоқда ва узоқ вақт давомида олиб борилади. Терговчилар, шунингдек, баъзи шахсларнинг ҳалокатга алоқадорлигини аниқлаштирмоқда, уларнинг исм-шарифлари ва лавозимлари ошкор этилмаяпти.
Амстердамдан Куала-Лумпурга учаётган Boeing 777 Malaysia Airlines йўловчи самолёти 2014 йилнинг 17 июлида Донецк вилоятининг шарқида ҳалокатга учраган эди. Самолётнинг 283 нафар йўловчиси ва 15 нафар экипаж аъзоси ҳалок бўлган.
Изоҳ (0)