Эрон Туркманистондан Каспий денгизидаги воқеага зудлик билан изоҳ беришни талаб қилди. У ерда туркманистонлик чегарачилар Эроннинг балиқчи кемасини ўққа тутиб, кемадаги тўрт балиқчидан иккисини ўлдирган эди. Бу ҳақда Iran Daily хабар бермоқда.
Эрон ташқи ишлар вазирлиги вакили Баҳром Қосимий маълум қилишича, Эрон фуқаролик кемасини ўққа тутган туркманистонлик чегарачиларнинг тажовузкор хатти-ҳаракатлари юзасидан норозилик билдиради. Унинг сўзларига кўра, Эрон томони ҳодисадан кейин дарҳол Туркманистон ҳукуматига нота юбориб, изоҳ талаб қилган.
«Ҳатто балиқчилар Туркманистон чегараларига яқин келган бўлса ҳам, халқаро амалиётга мувофиқ, патруль катерлари қоидабузарларни шунчаки ўз ҳудудий сувларидан қувиб юбориши ҳам мумкин эди», — деди Қосимий.
Изоҳ (0)