Суперлига 4-тур доирасида ўтказилиши белгиланган иккита учрашув бошқа кунга кўчирилди, битта ўйин эса номаълум муддатга қолдирилди. Бу ҳақда ПФЛ хабар берди.
Хабарда қайд этилишича, ФИФА кунларидан унумли фойдаланиш мақсадида, қолаверса, мусобақа ўтказиш Регламентида белгиланганидек, клубнинг уч ва ундан ортиқ футболчилари терма жамоаларга чақирилган тақдирда чемпионат учрашувини бошқа муддатга кўчириш имкониятига эга эканлигидан келиб чиқиб, Ўзбекистон миллий терма жамоасининг Сенегал ҳамда Марокашга қарши ҳамда Ўзбекистон олимпия терма жамоасининг Кенияга қарши ўтказадиган учрашувлари боис, 4-тур доирасидаги бир қатор ўйинлар бошқа муддатга кўчирилди.
Жумладан, ушбу халқаро ўртоқлик учрашувларида Ўзбекистон терма жамоаларида майдонга тушиши мумкин бўлган таркибга «Локомотив» ва «Пахтакор» клубларининг бир қатор футболчилари жалб этилгани ва улар клублари сафига кечроқ етиб келишлари сабаб Суперлиганинг 4-туридаги қуйидаги ўйинлар муддатларига ўзгартиришлар киритилган.
Жумладан, АГМК — «Локомотив» учрашуви номаълум муддатга қолдирилди. «Пахтакор» — «Нефтчи» учрашуви 30 мартдан 31 мартга, «Бунёдкор» — «Бухоро» учрашуви эса 31 мартдан 30 мартга кўчирилди.
Изоҳ (0)