Бугун, 22 март пайшанба куни Осиё Кубоги-2019 саралаш босқичи доирасида Қирғизистон ва Мьянма жамоалари ўртасида учрашув бўлиб ўтди.
Жанубий Кореянинг Инчеон шаҳрида Қирғизистон ва Мьянма жамоалари ўртасида бўлиб ўтган беллашувда Қирғизистон терма жамоаси рақибини 5:1 ҳисобида таслим қилди.
Мазкур ғалабадан сўнг саралаш баҳслари тугашига бир тур қолганида Александр Крестинин бошчилигидаги Қирғизистон терма жамоаси 2019 йил БААда бўлиб ўтадиган Осиё Кубоги финалига йўлланмани қўлга киритди. Унга кўра, Ҳиндистон терма жамоаси ортидан Қирғизистон терма жамоаси яқин таъқибчисини 5 очкога ортда қолдирган ҳолда йўлланмасига эга чиқди.
Саралаш мусобақаларининг сўнгги тури олдидан Осиё Кубоги финал босқичига чиққан 21 та жамоаниннг номи маълум бўлиб улгурди. Булар: мезбон — БАА, Қатар, Жанубий Корея, Япония, Таиланд, Саудия Арабистони, Австралия, Ўзбекистон, Эрон, Сурия, Ироқ, Хитой, Ҳиндистон, Ливан, Иордания, Вьетнам, Фаластин, Уммон, Баҳрайн, Қирғизистон ва Туркманистон терма жамоаларидир.
Яна учта йўлланма соҳиби 27 март куни бўлиб ўтадиган саралашнинг сўнгги туридан сўнг маълум бўлади.
Осиё Кубоги-2019 саралаши учрашуви
22 март, пайшанба
Изоҳ (0)