2018 йил 16 февраль куни «Гласс экспо» МЧЖ раҳбари Х.Пўлатов Сирдарё вилояти, Гулистон шаҳар ИИБга фирибгарликка дуч келгани юзасидан мурожаат қилди. Бу ҳақда ИИВ жамоатчилик ва ОАВ билан алоқалар бошқармаси маълум қилди.
Шикоятчига кўра, 1 февраль куни ўзини «Бекзод» деб таништирган номаълум шахс унинг мобил телефонига қўнғироқ қилиб, Гулистон шаҳрида Akfa ромларини ясаш билан шуғулланишини айтиб, умумий қиймати 36300000 сўмлик ойналарни сотиб олишга келишади.
Ойналарни Сирдарё тумани ҳудудида қабул қилиб олиб, оқ полиэтилен пакетга скотч билан ўралган, сувенир бўлган 7750 долларни гаров сифатида беради. Ойналарни Гулистон шаҳрида жойлашган «Лорд савдо инвест» хусусий корхонаси раҳбари Х.Аҳмедовга сотиб юбориб, воқеа жойидан яширинади.
Кўрилган чоралар натижасида ушбу жиноятни Самарқанд вилояти, Пастдарғом тумани, Навоий маҳалласида яшовчи, муқаддам судланган А.Сафаров содир этганлиги аниқланиб, қўлга олинди.
Изоҳ (0)