Самарқанд вилоятининг Ургут туманида, Тожикистон билан чегара яқинида жойлашган Жартепа маҳалласида 62-сонли давлат мактабгача таълим муассасаси негизида болалар боғчаси филиали очилди.
Ўзбекистон Мактабгача таълим вазирлиги ахборот хизматидан маълум қилишларича, 50 ўринга мўлжалланган муассасада таълим-тарбия ишлари «Болажон» дастури асосида олиб борилади.
Болаларнинг инглиз тилини чуқур ўрганишлари, уларнинг интеллектуал қобилиятларини ривожлантиришга эътибор қаратилмоқда. Бадиий гимнастика, шахмат-шашка тўгараклари фаолияти йўлга қўйилган.
Муассасанинг очилишида қатнашган Самарқанд вилояти ҳокими Туробжон Жўраев, жумладан, шундай деган: «Ушбу болалар боғчаси жартепалик болажонларнинг иқтидорини рўёбга чиқариш масканига айланади».
Болалар боғчасида кам таъминланган оилаларнинг фарзандлари учун имтиёзли тўлов жорий этилган.
Изоҳ (0)