2018 йил 16 март куни Жиноят ишлари бўйича Учтепа тумани судида Тошкент юридик коллежи собиқ директори Наталья Темированинг жиноят ишига оид суд жараёни бошланди, деб хабар берди ЎзА.
Ўтган йилнинг 6 октябрь санасида мазкур коллеж ҳудудида шу коллежнинг уч ўқувчиси ўртасида юз берган келишмовчилик улардан бирининг ўлими билан тугаган эди.
Ўзбекистон Президенти ҳам бу воқеага эътибор қаратиб, коллеж собиқ директори Темирова ушбу ҳолатга йўл қўйгани ҳамда жуда кўп миқдорда коллеж маблағларини ўзлаштириш, мансабини суиистеъмол қилиш каби жиноятларни содир этгани учун бугун қонун олдида жавоб беришини таъкидлаганди.
Содир бўлган мудҳиш воқеадан кейин Тошкент шаҳар прокуратураси томонидан ушбу коллежда текшириш ўтказди. Натижада бу ўқув масканида бошқа жиноятлар содир бўлаётгани ҳам аниқланди ва жиноят иши қўзғатилган эди.
Мавзуга доир: Тошкент юридик коллежи директори лавозимидан озод этилди
Изоҳ (0)