Ўзбекистон Президентининг «Психиатрия ёрдами кўрсатиш тизимини тубдан такомиллаштириш чора-тадбирлари тўғрисида»ги қарори қабул қилинди. Бу ҳақда ЎзА хабар бермоқда.
Ҳужжатда соҳада хусусий тиббиётни ривожлантириш масаласига ҳам эътибор қаратилган.
2018 йил 1 майдан бошлаб хусусий тиббиёт ташкилотларига руҳий ҳолат ва хулқ-атвор бузилишини ташхис қилиш ва даволаш бўйича аҳолига айрим хизматлар кўрсатишга рухсат этилади.
Соғлиқни сақлаш вазирлиги Ўзбекистон хусусий амалиёт врачлари уюшмаси билан биргаликда хусусий тиббиёт ташкилотлари томонидан кўрсатиладиган шундай хизматлар рўйхатини тасдиқлайди.
Психиатрия хизмати муассасаларининг айрим функцияларини соғлиқни сақлашнинг хусусий секторига ўтказиш аҳолига психиатрия ёрдами кўрсатиш соҳасида давлат-хусусий шерикчиликни ривожлантиради. Кўрсатилаётган хизматлар сифатини яхшилаш учун соҳага инвестициялар жалб қилинади.
Изоҳ (0)