Саудия Арабистони подшоҳи Салмон бин Абдулазиз мамлакатда коррупциявий жиноятларни текширадиган департамент тузишга кўрсатма берди. Бу ҳақда «Коммерсантъ» маълум қилди.
«Мазкур қарор мамлакат ва унинг ресурслари, давлат бюджети ва аҳолининг ижтимоий муҳофазага олинганини аксилкоррупциявий кампания воситасида ҳимоя қилишга қаратилган. Бу коррупцияга қарши кураш жараёнини жадаллаштиради ва самарадорлигини оширади», — дейилади Саудия бош прокурори Сауд ал-Мужибнинг расмий баёнотида.
Эслатиб ўтамиз, махсус департамент тузилишидан олдин мамлакатда кенг кўламли коррупцияга қарши операция ўтказилди ва унинг доирасида 11 шаҳзода, 4 вазир ва ўнлаб собиқ вазир қўлга олинди. Давлат мулкини талон-тарож қилиш ва порахўрликда гумон қилинганлар расмийларга товон тариқасида 108 миллиард доллар тўлашга рози бўлгани билдирилмоқда.
Изоҳ (0)