Россиялик таниқли қўшиқчи Юрий Лозанинг жияни итлар тўдасининг ҳужуми оқибатида ҳалок бўлган 19 ёшли йигитни яхши кўрганини маълум қилди. Бу ҳақда у ўзининг Facebook’даги саҳифасига ёзиб қолдирди, деб хабар берди «AiF.ru».
Аввалроқ, Москва вилояти Истра шаҳар округи Курсаково қишлоғида яшовчи йигитни дайди итлар тўдаси ғажиб ташлагани ҳақида хабар берилганди. ОАВларнинг ёзишича итлар 11 март, якшанбага ўтар кечаси дугонасиникидан уйига қайтаётган аёлга ҳужум қилган, бунга гувоҳ бўлган Олег исмли йигит уларни қувиб юборишга уринган, бироқ бунинг оқибатида ҳалок бўлган.
«Ушбу ҳолат Истра вилоятида содир бўлганига ишониш қийин. Аммо бу ҳақиқат, чунки менинг жияним ҳалок бўлган жасур йигитдан фарзанд кутмоқда. Йигит мутлақо нотаниш бўлган аёлга ёрдам кўрсатаман деб, қаҳрамонларча ҳалок бўлди», — деб ёзади Лоза.
Қўшиқчининг айтишича, у доим «озодлик»да тўдалашиб юрадиган катта итларга қарши бўлган. У мазкур ҳолат «қотиб қолмаслигига» ва айбдорлар одилона жазоланишига умид билдиришини таъкидлаб ўтди.
Қайд этилишича, марҳумнинг оиласи Россияга тўрт йил аввал кўчиб келган, бунгача улар Ўзбекистонда яшаган.
Изоҳ (0)