Ироқ кўнгилли аскарлари Сурия ҳудудидаги ИШИД террорчилик ташкилотининг жангариларига нисбатан зарба берганликларини маълум қилди, деб хабар берди «РИА Новости».
Шиалардан ташкил топган Ироқ кўнгилли аскарлари ИШИДга қарши курашда Ироқ армияси билан ёнма-ён туриб жанг қилмоқда.
«9 март куни разведка маълумотларига таянган ҳолда бизнинг чегарадаги бўлинмаларимизга ҳужум уюштиришни режалаштираётган Ал-Ацҳан қишлоғидаги жангариларга қарши миномётлар взводи зарба берди», — дейилади хабарда.
Ироқлик аскарларнинг таъкидлашича, амалга оширилган зарба ушбу ҳудуддаги террорчиларнинг тўғридан-тўғри «юраги»га бориб теккан. Қишлоқ Суриянинг Раққа вилоятида, мамлакатнинг Ироқ билан чегараси яқинида жойлашган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)