Жанубий Кореянинг Somang Global компанияси 2018 йил ноябрида Тошкентда Seoul Plaza бизнес-марказини фойдаланишга топширишни режалаштирмоқда. Бу ҳақда, Ўзбекистон—Жанубий Корея бизнес-форуми давомида маълум қилинди, дея хабар беради Spot.
8-қаватли бино метронинг «Ойбек» бекати яқинида қад ростлайди. Ундаги офислар маҳаллий ва халқаро компанияларга сотилади ва ижарага берилади.
Somang Global Тошкентда «Сеул шаҳарчаси» номли 7 та кўп қаватли уйдан иборат турар жой комплексини ҳам қурмоқда. Унда жами 650 та квартира бўлади. Кореялик инвесторлар лойиҳага 100 миллион доллардан ортиқ маблағ киритди.
Компания Ўзбекистонда меҳмонхоналар қуришни ҳам режалаштирган.