Жанубий Кореянинг Пхёнчхан шаҳрида 9 февраль куни архитектор Асиф Кхан томонидан Vantablack материалидан яратилган «биринчи супер қора иншоот» очилди. TJournal бинонинг суратларини тақдим этди.
Vantablack материали барча маълум моддалар ичида энг қораси ҳисобланади, у биринчи марта 2015 йилда Буюк Британиянинг миллий физика лабораторияси олимлари томонидан тақдим этилган. Материал алюминий фольгага жойлаштирилган нанонайчалардан тайёрланган бўлиб, фотонлар материалга тушганда аксланмайди ва иссиқликка айланади. Материал 99 фоиз ёруғликни ютади, акс қайтган ёруғликнинг йўқлиги сабабли инсон кўзи уни «қора туйнук» каби қабул қилади — худдики модданинг ўрнида ҳеч нарса йўқ.
Павильон кичкина ёртигичлар билан қопланади ва юлдуз тўпламларига ўхшаш кўринишни ҳосил қилади. Архитекторнинг ғоясига кўра, иншоот Ердан томоша қилинадиган космосни эслатиши керак.
Изоҳ (0)