Хитойнинг Vivo компанияси яқинда V7 ва V7+ смартфонларини тақдим этган эди, энди эса аллақачон янги Vivo V9 моделини тайёрламоқда. Тарқалган фотосуратларга кўра, у кўп жиҳатдан iPhone X’га ўхшайди, деб ёзади Hi-Tech Mail.Ru.
Олд панелда экраннинг тепа қисмидаги «соябон» кўзга ташланади. Экран катта, ингичка ромли, 18:9 нисбатли бўлади. Аммо диагонали ва пиксели ҳозирча номаълум. Vivo V9 нинг орқа панелида iPhone X билан ўхшашлик камроқ, бироқ барибир бор — масалан, вертикал тарзда жойлашган қўш камера модули. Унинг ёнига бармоқ изи сканерини жойлаштиришди.
Vivo V9 ўртача Snapdragon 660 процессорида ишлайди, шу туфайли, нархи ҳам iPhone X’никидан анча паст бўлади.
Изоҳ (0)