Россия ядро қуролини фақат жавоб-қарши зарбаси сифатида қўллаши мумкин. Бу ҳақда Владимир Путин журналист Владимир Соловевга берган интервьюсида маълум қилди, деб хабар беради «Ведомости».
«Бу ракета ҳужуми ҳақида огоҳлантириш тизимимиз нафақат ракета учирилгани, балки парвоз траекторияси ва қисмлар Россия ҳудудига қулашининг аниқ прогнозини берганидан кейингина ядро қуролини ишлатиш ҳақидаги қарор қабул қилинишини англатади. Яъни кимдир томонидан Россияни йўқ қилиш ҳақида қарор қабул қилинса, бизда ҳам бунга жавоб бериш учун қонуний асос пайдо бўлади», — деди Путин.
Россия президентига кўра, бундай ҳолат дунё учун глобал фалокатга айланган бўларди.
«Шу билан бирга, Россия фуқароси ва бу давлат раҳбари сифатида савол бермоқчиман: агар унда Россия бўлмаса, бундай дунёнинг бизга нима кераги бор?»— ўсмоқчилади Путин.
Изоҳ (0)