Нидерландиянинг PAL-V компанияси Женевада бўлиб ўтаётган автосалонда ўзининг илк серияли учар автомобилини — Liberty’ни тақдим этди. Машина 2 кишини ҳамда 20 килограммгача юкни ташишга қодир. Тахминларга кўра, аэрокарни 2019 йилдан бошлаб мижозларга етказиб бериш бошланади, деб хабар берди «Мотор».
PAL-V Liberty’нинг асосини иккита Rоtах авиацион двигателлари ташкил қилади. У ерда ҳаракатланганида мотор 100 от кучига тенг қувватни ишлаб чиқаради. Соатига 100 километр тезликда ҳаракатланиши учун эса тўққиз сониядан камроқ вақт керак. Максимал тезлиги — 160 км/соат. Liberty битта баки билан 1315 километрни босиб ўтиши мумкин ва бунда у ҳар 100 километрга 7,6 литр ёқилғи сарфлайди.
Парвоз вақтида унинг мотори 200 от кучига қадар қувватда ишлайди. Машина соатига 180 километр тезликда, ердан 3,5 метргача баландликда ҳаракатлана олади. Унинг ҳавога кўтарилиши учун 330 метр тўғри йўл керак. Машина ҳавода 4,3 соат тўхтовсиз ҳаракатланиб, 500 километр масофани босиб ўтиши мумкин.
PAL-V Liberty’ни олдиндан буюртма қилиш учун 2,5 мингдан 25 минг долларгача депозит қўйиш керак. Аввалроқ, мазкур аэрокарнинг базавий версияси 299 минг долларга баҳоланган эди.
Изоҳ (0)