Женевада бўлиб ўтаётган автошоуда Renault компанияси ўзининг ҳайдовчисиз бошқариладиган EZ-GO электромобилининг консептини тақдим этди, деб хабар берди Hi-Tech.Mail.Ru.
EZ-GO’нинг ўзига хослиги — унда бошқарув органлари мавжуд эмас. Салон ичида на рул ва на тепкилар бор. Renault’нинг маълум қилишича, автомобиль тўртинчи даражали автономликка эга. Ушбу даражада датчиклар максимал миқдордаги маълумотларни қайта ишлайди ва йўлдаги мураккаб вазиятларга мослашади. Кейинги, бешинчи даража эса — тўлиқ автономлик ҳисобланади. Кутилмаган ҳолатлар учун EZ-GO’ни масофадан туриб бошқариш мумкин. Электромобилнинг максимал тезлиги соатига 50 километни ташкил этади.
Йўловчиларга қулайлик яратиш мақсадида унинг эшиклари тепага очиладиган қилиб ишланган. Авомобиль салонига 6 киши бемалол жойлашади. Улар ҳаракатланиш вақтида Wi-Fi’дан фойдаланишлари мумкин бўлади.
Renault мазкур автомобилни 2022 йилга қадар ишлаб чиқаришни режалаштирмоқда.
Изоҳ (0)