Тезроқ ва яхшироқ ўрганишнинг исботланган янги 5 усули
Олимлар қандай қилиб маълумотларни эсда сақлаб қолиш ва янги малакаларни ўзлаштиришни тезроқ амалга ошириш йўлларини аниқлади.
Фото: Shutterstock
Ўрганиш йўлларини кўпайтиринг
Бир хил нарсани қайта-қайта такрорлаш орқали кўпроқ нарсани эслаб қололмайсиз. Олимлар материални ҳар бир такрорлашда ёндашиш усулини бироз ўзгартиришни маслаҳат беради. Бу маълумотни тезроқ ўзлаштиришга ёрдам беради.
Шароитни ўзгартиринг
Тадқиқотлар натижаларига кўра, биз шароитни ўзгартирганимиздан кейин маълумотларни яхшироқ эсда сақлаб қолар эканмиз. Сизга қаер қулайроқ эканлигини билиш учун ҳар хил шароитларда ўрганиб кўринг. Ташқи омиллар маълум бир маълумотлар ёки малакалар билан боғланиб кетади. Шунинг учун сиз уларни эслашингиз осонроқ бўлади.
Ўрганишни оралиқларга ажратинг
Сизга бирон-бир маълумот билан қанча узоқроқ шуғуллансангиз, шунча яхшироқдек туюлади. Лекин, яхшиси мунтазам танаффуслар қилганингиз маъқул. Дам олишдан кейин унумдорлик ва диққатни тўплаш анча ошади.
Кимдир сизни қўллаб-қувватласа, курашиш ҳар доим осонроқ бўлади. Бунинг устига ўрганилган материални кимгадир айтиб бериш фойдали. Шунда у бошингизга яхшироқ ўрнашиб қолади.
Кўп вазифалилик ҳақида унутинг
Тадқиқотлар кўп вазифалилик иш сифатини ва унумдорлигини пасайтиришини тасдиқлайди.
Бутун диққатингизни битта ишга қаратинг. Диққатни бир неча вазифаларга қаратиш миянинг янги маълумотларни қабул қилиш ва сақлаш қобилиятини пасайтиради.
Эришмоқчи бўлган нарсангизнинг аниқ бир соҳасини танланг. Кучингизни бирданига ҳаммасига сарфлашга уринманг: бунинг имкони йўқ.
Хулоса
Имкониятларингизни юзага чиқариш учун ҳар доим ўрганиш керак.
Изоҳ (0)