Югуриш йўлакчасини ёқтириб қолишнинг 6 усули

Югуриш йўлакчасида кардио машқларни бажариш фойдали эканини билсангиз ҳам уни кўргани кўзингиз йўқми? Хотиржам бўлинг! Биз бу машқ қилиш аппаратини ёқтириб қолишнинг 6 та усулини топдик.

Афзал томонларини топинг

Югуриш йўлакчасини севиб қолиш учун биринчи қадам — унга бўлган муносабатни ўзгартириш. Тасаввур қилинг: сиз учун атайлаб қор ва ёмғир остида эмас, балки қуруқ ва иссиқ спорт залида югуриш мумкин бўлган спорт гаджети яратилди. Қулайлигидан ташқари, югуриш йўлакчаси ҳар қандай одамга мослашиш хусусиятига эга. Сиз шошилмасдан «сайр қилиш»ни ёки жадал суръатда югуришни хоҳлайсизми бунинг аҳамияти йўқ, бу машқ қилиш аппарати — сиз учун идеал шерик бўла олади.

Тасаввурни ишга солинг

Йўлакча устида қизиб олиш вақтида енгил гантелларни олинг ва организмингиз қизигунча қўлларни машқ қилдиринг. Ёки югуришни эллиптик аппарат ва велосипед билан галма-гал алмаштириб бажаринг. Ҳаракат турларини алмаштириш юрак мушакларини чиниқтиради ва организмни оғирлик тушишидан сақлайди.

Вақтни алданг

Агар йўлакчада югуриш зерикарли бўлса, демак тезликни бироз оширишнинг айни вақти. Ҳар бир беш дақиқанинг охирида ҳаракатланиш тезлигини 2-3 даражага оширинг. Интервал билан югуриш ёғларни йўқотишга ва чидамни оширишга ёрдам беради.

Сериаллар томоша қилинг ва мусиқа тингланг

Енгил югуришлар вақтида анчадан буён режалаштириб юрган сериалнинг навбатдаги қисмини томоша қилишингиз мумкин.

Ривожланишни кузатиб боринг

Агар сиз ўзингиздаги ўзгаришларни кўрсангиз, машқ қилиш анча ёқимлироқ бўлади. Ҳар бир машғулотдан кейин натижалар кўрсатилган экранни смартфон ёрдамида расмга туширинг. Бироз вақтдан кейин ўзгаришни кўришингиз мумкин ва сизнинг машқ режасини тузатишингиз осонроқ бўлади.

Ҳаракатларга тўғриланинг

Машғулотлар вақтида тушунчага эга бўлиш — уни қувончлироқ қилишнинг яна бир усули. Оёқ ва қўлларингиз қандай ҳаракат қилиши, қандай нафас олишингиз, нима ҳақда ўйлашингиз, гавдангизни қандай тутишингизга эътибор беринг. Диққатни нафас олишга қаратиш кўпинча югуриш кўрсаткичларини яхшилашга ёрдам беради — спортнинг бу турида кўп нарса нафас олишга боғлиқ.

Манба: Men’s Health