Бадиий адабиётларни кўпроқ ўқиш учун 8 та сабаб

Тадқиқотлар мия учун реал воқеалардан кўра уйлаб топилган воқеалар фойдалироқ эканлигини исботлади.

1. Етук эмпатия

Бадиий адабиётларни ўқиш эмпатияни ривожлантиради ва бошқанинг ўрнида ўзини тасаввур қилишга ёрдам беради. Бу миянинг ўқилган ва ҳақиқатда мавжуд маълумотларни бир хилда қабул қилиши билан боғлиқ.

Миянинг тилни идрок қилишга жавоб берадиган чап қисми уни аслида мен асар қаҳрамони нима қилаётган бўлса, шуни қилаяпман деб ўйлашга мажбур қилади. Бу фавқулодда ҳодиса «амалга оширилган англаш» номи билан машҳур. Ўқир эканмиз, биз худди асар қаҳрамони танасига жойлашиб олгандек бўламиз.

2. Андозалардан озодлик

Адабиёт жамият амал қиладиган қонунларни намойиш қилади, озчилик вакиллари ва тушкунликка тушганларга бўлган бардошлиликни оширади.

            3. Ноаниқликка кўникиш

Барқарорлик — афсона, лекин бу романларни қадрловчиларни унчалик безовта қилмайди. Тадқиқотлар хаёлий воқеаларни кўпроқ ўқийдиган одамлар нон-фикшен ўқийдиганларга қараганда когнитив аниқликка камроқ эҳтиёж сезишини кўрсатди.

           4. Бой тасаввур ва ижодий фикрлаш

«Муаллиф китобнинг ярмини ёзади. Қолган ярмини эса ўқувчининг ўзи ёзади», — деган эди инглиз адабиётининг асосчиси Жозеф Конрад.

Ҳақиқатан ҳам яхши ёзувчи ҳаммасини эмас, балки ўқувчини тасаввурдан фойдаланишга мажбур қилган ҳолда энг зарурларини ҳикоя қилади. Қаҳрамонларнинг ташқи кўриниши ва ўтмиши, шароит, ҳидлар, овознинг ўзига хос сифатларини — кўпинча экранлаштирувчи режиссёрлар сингари тафсилотларини биз ўзимиз мустақил равишда ўйлаб топамиз.

           5. Соғлом уйқу ва мустаҳкам асаблар

Уйдирма воқеликка кетиш ҳамма стрессга чалинганлар учун фойдали, лекин китоб — энг самарали восита. Тадқиқотлар бор-йўғи олти дақиқа ўқиш 68 фоизга томир уришини пасайтириши ва мушакларни бўшаштиришини исботлади.

Ўқиш — ухлашдан олдинги ажойиб машғулот ҳисобланади. У чалғитади, дам олишга ва уйқуга кетишга ёрдам беради.

Манба: «Лайфхакер»