Тошкент шаҳар ИИББ ЙҲХБ пойтахт йўлларидаги 100 га яқин «Тўхташ тақиқланган» белгисини олиб ташлади. Бу ҳақда пойтахт ИИББ ЙҲХБ бўлими катта муҳандиси, майор Бахтиёр Ғофуровнинг сўзларига асосланиб, «Газета.ru» хабар бермоқда.
Шаҳарда тўхташ тақиқланганини англатувчи белгиларнинг кўплиги ҳайдовчилар норозилигига сабаб бўлаётган эди, дейилади хабарда.
«Ўз кучини йўқотган ва ўрнатилишига эҳтиёж зарур бўлмаган йўл белгилари олиб ташланмоқда. Иш ҳали ниҳоясига етмади. Йўл белгиларини ҳатлаш яна маълум муддат давом этади», — дейди Бахтиёр Ғофуров.
Ҳозирда «Тўхташ тақиқланган» белгиси зарур жойларда «Тўхтаб туриш тақиқланган» белгиси билан алмаштирилмоқда.
Изоҳ (0)