2018 йилда ўлчами 100 метрдан ортиқ бўлган астероидлар Ерга жуда катта хавф туғдириши мумкин бўлган масофада яқинлашади. Бу ҳақда «Табиий офатларга қарши курашиш» марказига таяниб, «РИА Новости» хабар берди.
«2018 йилда ушбу ўлчамдаги астероидларнинг Ерга 34 маротаба хавфли яқинлашиши кутилмоқда», — дейилади хабарда.
«Табиий офатларга қарши курашиш» марказининг маълумотларига кўра, 2017 йилда 730 дан ортиқ астероид Ерга 10 миллион километр масофа оралиғида яқинлашган. Улар орасида диаметри 100 метрдан ортиқ бўлган астероидлар Ерга салкам юз маротаба яқинлашган.
Диаметри бир километрдан ортиқ бўлган астероидлар йирик космик объектлар қаторига киради. Ер сайёрасида 120 та жуда катта астероид кратерлари мавжуд. Олимларнинг таъкидлашича, айрим турдаги тирик организмларнинг оммавий равишда қирилиб кетишига астероиднинг ерга қулаши сабаб бўлган (бундан салкам 250 миллион йил олдин). Луис Альвареснинг гипотезасига кўра, яна бир метеоритнинг урилиши динозаврларни қириб юборган.
Изоҳ (0)