Туркамнистонда 8 март Халқаро хотин-қизлар байрами муносабати билан мамлакатдаги аёлларга президент Гурбангули Бердимуҳамедов номидан 40 манатдан (11 доллар) пул мукофоти берилади. Бу ҳақда «Туркменистан золотой век» нашрига таяниб, «РИА Новости» хабар берди.
Мамлакат раҳбари томонидан имзоланган фармонга кўра, 40 манат миқдоридаги пул мукофотлари мамлакатдаги ташкилотларда, муассаса ва корхоналарда ишловчи аёлларга берилади.
Бундан ташқари президент совғаси нафақа олувчи аёлларга, аспирантура, доктарантура ва ишлаб чиқаришдан алоҳида бўлган клиник ординатура, шунингдек, Туркманистон президенти ҳузуридаги Давлат бошқаруви академиясининг талабаларига берилади.
Шу билан бирга ҳужжатда қайд этилишича, фармон талабалар, мактаб ўқувчилари ҳамда мактабгача таълим муассасалари тарбиячиларига ҳам тегишли.
Мамлакат аёлларига 8 март муносабати билан 40 манатдан пул мукофотини тақим этиш анъанаси Туркманистоннинг биринчи президенти Сапармурот Ниёзов давридан қолган. Туркманистонда бу пулга ёзги кўйлак учун мато сотиб олиш мумкин.
Изоҳ (0)